-
QUE É O PORTAL DE EMPREGO?
O portal de emprego é unha ferramenta para implemetar as TICS no servizo da axencia de emprego e desenvolvemento local (AEDL) co obxectivo de apoiar a inserción laboral das persoas empadroadas no Concello de Sada.
Vai dirixido a empresas e particulares que requiran incorporar persoal como a persoas en procura de emprego.
Para garantir a súa veracidade e autenticidade, a información que se verá reflectida debe ser actualizada con periodicidade.
É o mellor punto de partida para buscar traballo por Internet, é moi sinxela, rápida e eficaz; soamente deberás inscribirte para poder empezar a gozar das vantaxes que che ofrece este Portal de Emprego. -
COMO FUNCIONA O PORTAL DE EMPREGO?
Se te inscribiches como demandante de emprego no noso Portal, poderás xestionar o teu currículo, editalo e imprimilo; estar ao tanto das ofertas de emprego da zona, atopar ofertas de emprego publicadas polas empresas que se rexistraron, enviar o teu CV ás ofertas que che interesen; e consultar en actualidade as noticias máis importantes sobre emprego, formación, emprendemento e desenvolvemento local do Concello de Sada.
Podes comunicarte connosco enviando un correo a emprego@sada.gal, para pedirnos calquera dos servizos que desde a Axencia de emprego e desenvolvemento local (AEDL) se ofrecen.
E se es unha empresa ou particular que publicou unha oferta de emprego, recibirás no teu correo os currículos das persoas demandantes de emprego interesadas. Terás a opción de consultalos e/ou imprimilos. -
COMO CREAR UNHA OFERTA
O primerio paso para poder crear unha oferta de emprego no portal, xa sexa empresa ou particular, é ter usuario e contrasinal para acceder á túa zona privada.
Unha vez rexistrada a empresa ou particular, realizarase a validación polo persoal técnico da AEDL. Será entón, cando poderás acceder e dar de alta unha oferta por posto sen que esta sexa discriminatoria por razón de sexo.
Na túa zona privada, tes dous botóns principais que son: "Nova oferta" e "As miñas ofertas".
Comeza indo a "Nova oferta", nesta sección terás un extenso formulario onde poderás cubrir a información da túa oferta de emprego. Algúns dos campos son obrigatorios, están marcados cun asterisco (*), outros son opcionais e algúns permiten amosar ou non a información ás persoas candidatas ao posto.
Unha vez cuberta a oferta, gardas o formulario, pasará a estar pendente de verificar polo persoal técnico. Unha vez revisada conforme cumpre unha serie de requisitos cambiará o seu estado a verificada e visible para que ás persoas candidatas se poidan inscribir.
Para ver as candidaturas que se inscribiron na túa oferta tes que ir ao segundo botón "As miñas ofertas" que dispón dun contador para saber cantas ofertas xeraches ata o momento. Nesta sección, seleccionas a oferta que queres revisar e entras na ficha da mesma onde aparece unha listaxe coa relación de persoas candidatas e os seus CV.
Ofrecémosche
Últimas ofertas
Accede e revisa as últimas ofertas do mercado laboral
Ofertas
Atopa e filtra todas as ofertas xa publicadas
Deseño Responsive
Desde calquera lugar poderás acceder e ver todas as ofertas publicas na web
